翠林邨租客擅改間格致滲漏 房署不聞不問

20150712
東網電視
更多新聞短片
羅先生指滲水情況已蔓延至廁所,天花更浸至「起泡」。
「我打過電話畀管業處,隔咗2個禮拜先有房署啲人上嚟睇,淨係話樓上單位改裝過,跟住就冇咗下文!」羅先生為翠林邨一單位業主,早前發現客廳天花出現水漬,隨後廁所亦有滴水,隨即向法團管理公司求助,多次摧促後才獲管業處及房署職員上門調查,證實上層房署租戶擅自改裝廁所及露台,更疑因此破壞防水層造成滲漏。
不過,羅先生指房署發現上層單位遭改裝後,卻未有進一步跟進,多次查詢皆被當作人球看待,「違規改裝嘅係房署租戶,所以法團管理公司叫我自己打畀房署問,但我問房署幾時先叫樓上還原番、樓上咁樣擅自改裝法係咪違規,佢哋都答唔出,咁佢哋一日唔做嘢,我間屋咪一路漏水?」羅不滿房署未有積極處理問題,亦擔心滲水情況持續會危及人身及財產安全,坦言「居不安心」。
「個單位改動咗咁多房署都唔知,連問佢哋擅自更改單位間格係咪違反租約,佢哋都答得模稜兩可!」當區區議員譚領律狠批房署作為未出售單位業主,卻未能妥善監管租戶,令其他小業主無辜受害。譚又指房署雖設有公屋住戶扣分制,惟程序費時且罰則輕,難起阻嚇作用,連滲水一類嚴重問題亦被拖延處理,直指房署有責任盡快為受影響單位解決問題,同時檢討現有監管租戶機制,以免情況再次發生。
翠林邨租戶服務辦事處發言人證實,2個多月前接獲相關投訴,派員調查後發現上層單位擅自改裝露台及廁所,影響地台防水層,引致投訴人單位出現滲漏。由於涉嫌擅自改裝單位屬房署所有,辦事處已通知租戶須還原所有未經批准的改裝,並盡快自行聘請工程承辦商進行復修及防漏工程,而相關工程已正展開。發言人承諾會繼續留意工程進度,如住戶違反有關規定,或會根據租約條例終止租約。