芬尼街電車站道路設施不當 年半3宗意外

20150724
東網電視
更多新聞短片
有家長攜同學童橫過馬路,稍一不慎易生意外。
「好多人為咗慳時間,又唔想兜大圈同行樓梯,寧願博一博就咁過就算,但就真係好牙煙!」家長許太指北角官立小學與芬尼街電車站僅相距數米,但因被英皇道西行2條行車線分隔,電車乘客下車後需取道行人天橋,不少市民與學童因「捨遠就近」而不惜鋌而走險亂過馬路,過往已曾釀成意外,而今年6月又再發生意外,「試過個家長驚遲到,一落車就同個小朋友直接行過嚟,結果就畀架車撞到。」
許太亦曾目睹其他巿民亂過馬路,故於3年前已多次去信政府,要求於上址增設行人過路處,意見亦獲接納,惟運輸署去年底才完成東行線一邊工程後,西行線卻遲遲未有動工,質疑改善措施適得其反,變相鼓勵行人亂過馬路,「明明近學校嗰邊先係最危險,但係佢哋話地底太多設施,所以整唔到。同埋依家啲人喺一邊過完,就會喺呢邊過埋嗰兩條線,更加唔會行天橋。」
記者曾於早上7時實地視察,於涉事路段發現不足半小時已有逾20人胡亂橫過馬路,當中包括1名學童。
運輸署發言人證實,過去1年共接獲3宗於涉事路段增設行人過路處的要求,經觀察發現英皇道東行線橫過馬路的市民較多,加上行人視線並不理想,故先於該處進行改善工程,有關工程亦於去年年底完成。發言人解釋,西行線方面工程相對複雜,須擴闊行車路及遷移地底管線及行人路現有設施,再三商討遷移公共設施細節後已更改設計,預計可於今年年底展開工程,但因需先完成延長電車站上蓋,於明年底方能完成。
發言人補充,據觀察東行線過路處完成後未有增加亂過馬路的人次,由去年至今年6月,涉事路段共發生3宗意外,導致4人受傷。
「有唔少家長同我反映過話好擔心,但係拖咗咁多年都淨係做咗一半,任由個死亡陷阱喺度,仲要到出年先搞掂件事!」東區區議員許清安批評事件已拖延多年,落實工程又需時間完工,反映運輸署未有積極回應市民訴求,並有漠視危機之嫌,「1宗意外就已經可以摧毀一個家庭,如果一早就落實工程,話唔定有啲傷亡係可以避免。」