鴨寮街後巷變私人狗場　部門束手無策

「入面最少養咗5隻狗，平時一有人行過就係咁吠，到凌晨2、3點仲吠得特別大聲，搞到我哋成日冇覺好瞓！」蔡先生居於深水埗鴨寮街，發現近南昌街交界有後巷早前被人佔用養狗，並堆積大量雜物，曾多次向不同部門反映，惟至今仍未見改善，「漁護署話啲狗有人養就管唔到，但嗰度係公家地方，啲狗有啲有綁住有啲就冇綁，如果有隻撲出嚟咬到人咁點算？仲有後巷環境咁差，好天曬落雨淋，都唔啱養狗啦。」

記者實地了解期間，甫步入後巷已見有大量包括廢棄電器等雜物，並有3隻大型犬隻及1隻小狗躺於後巷中央，其中2隻並無繫上狗帶，有途人擬通過後巷時，犬隻即不斷狂吠，令途人受驚嚇下被迫折返。現場未見有清水及食物，地上則滿布污水及垃圾殘渣，環境衞生惡劣。

當區區議員劉佩玉承認曾接獲多名街坊投訴，已多次要求不同部門跟進，惟部門僅間中派員清掃雜物，情況未幾即故態復萌，而佔用公眾地方養狗問題更是從未解決，「後巷係公家地方，唔應該用嚟養狗甚至當成自己屋企，如果有未熄煙頭掉咗落啲雜物度，就好易火燭！」

漁護署發言人證實，過去1年共接獲7宗有關上址有狗隻滋擾的投訴，職員巡查時發現有關狗隻全部領有有效牌照。被問及於屬後巷一類公眾地方飼養狗隻是否合適一事，發言人則未有回應，僅稱任何人沒為動物提供充足食物及清水均屬觸犯《防止殘酷對待動物條例》，但巡查時未有發現相關情況。

食環署發言人則稱，過去1年共接獲14宗上址堆放雜物之投訴，共提出3宗檢控。接獲轉介後亦發現有雜物妨礙清掃工作情況，遂把物品移走及扣押，並清洗上址。

警方發言人表示，自去年開始接獲投訴，巡查期間曾口頭勸喻狗主必須妥善管理狗隻，6月時亦曾檢控1名阻撓食環署人員進行清潔的女子。

獸醫黎昌生認為，不論從居民或是犬隻利益角度出發，在後巷「飼養」犬隻的做法不能接受，涉事狗主亦有觸犯法例之虞。黎指本港食肆林立，後巷常有鼠隻出沒，大有機會將病菌傳染予狗隻，「老鼠身上有好多虱，老鼠小便又有『鉤端螺旋菌』，嚴重嘅話，人同狗感染咗都可能會死。」另外，狗隻在酷熱天氣下留於後巷不但容易中暑，亦會因後巷環境喧鬧、長期有人出入而容易緊張，以致增加攻擊性，「狗係狼群動物，如果見到生保人，自然想保護地頭，呢種agression（攻擊性行為）係好常見。」