國泰候機貴賓室如街市　蘇施黃轟職員聲浪大

醜聞不絕的國泰航空再遭藝人抨擊。藝人蘇施黃下午在facebook上載貼文，相信是乘坐國泰客機出發前在國泰候機貴賓室的遭遇，貼文指「在等飛機，吹漲(脹)！全个(個)CX coffee Lounge大概都有22人，呢兩條茂利不停傾偈，仲要大聲過所有客人！」並上載兩張相片，相信是涉嫌大聲傾偈的職員。

有網民亦留言批評國泰服務不如以往，指「阿蘇乜你諗CX既(嘅)服務仲好似以前」，亦有網民留言不滿職員傾偈：「入得呢到都係CX概(嘅)常客，他們是代表CX，這樣有損公司形象。」

較早前亦有藝人炮轟國泰，著名女歌手呂珊疑遭國泰航空「老點」，被誤報加拿大經美國轉機回港毋須美國簽證，連累遠赴美加登台的呂珊轉機變「轉飛」，一行人被國泰「硬屈」多4萬元另買機票從加拿大直接回港。

國泰發言人回應指，咖啡閣設於國泰商務貴賓室，國泰一直有既定服務指引予該貴賓室服務供應商，包括維持貴賓室內寧靜環境。國泰已向服務供應商反映是次乘客的意見並獲即時跟進，向職員重申有關服務標準。