政Whats噏：拖仔女參選　梁偉文做土皇帝？

在2007年及2011年區議會選舉中，連任多屆葵青區區議員的梁偉文帶同囡囡梁嘉銘父女兵上陣，最終梁偉文再度順利連任，但梁嘉銘就連續兩次落選。不過，多次落選並無影響梁家對選舉的熱情，今屆區選「梁家兵」又有新成員加入，有傳梁偉文將聯同梁嘉銘及兒子梁崗銘三人出戰葵青區選，一家三口出戰同一屆區選，真係前所未見，難怪有區內人士笑稱梁偉文想做葵青區「土皇帝」！

據了解，梁偉文及梁嘉銘分別繼續出戰葵青盛康選區及興芳選區外，梁崗銘則準備出戰葵涌邨，無論是葵涌邨北或葵涌邨中選區，都是立法會議員梁耀忠掌舵的街工「地盤」，要攻陷這兩區並非易事。其實看得出梁家對於參選很有熱誠，好似梁偉文落選兩次先做得成區議員，而梁嘉銘就兩次出戰落敗都仍然在地區服務；而望見前人從政路崎嶇，梁崗銘仍然積極參政，梁家真的獻了給社區。

有地區人士笑稱，梁家如此積極參選，莫非是想擴展版圖，將葵青區議會發展成家族事業？東網記者昨日聯絡過梁崗銘，想了解他點解有咁大興趣從政，但他就話不方便，急急掛線。其黨友之後就幫他解釋，指他不想博出位，想做實務喎。如果他將來有意出戰立法會選舉，唔博出位真是想搵人識都難喇。