深水埗滿巷垃圾　全城清潔乏成效

「呢度後巷情況好惡劣，唔知係咪附近多食肆，成日都有人丟垃圾雜物出嚟，霸咗條巷人哋行唔到之餘，仲搞到周圍污糟邋遢，惹埋好多老鼠曱甴。雖然間唔中有人會嚟清理同洗街，但係過幾日啲垃圾又出番嚟，沒完沒了！」梁先生指出，深水埗荔枝角道與大南街之間後巷衞生欠佳，即使清理後不久又再故態復萌，擔心後巷會成為病菌溫床。

梁又指，區內後巷衞生問題存在經年，質疑政府全城清潔運動成效不彰，「成個深水埗區都係咁，附近好幾條後巷都係咁惡劣，望到都唔敢入，離遠已經聞到好臭。又話要進行全城清潔，好似都冇乜用咁嘅！」

記者日前深水埗實地了解，甫進入荔枝角道便聞到陣陣異味，巷內充斥垃圾及污水，地下更有曱甴屍體，期間有行人途經均快步而行。另於鄰近欽州街與桂林街之間的後巷內，記者看見有人丟棄多包垃圾，污水渠亦被垃圾堵塞；而於北河街與桂林街交界的後巷，有疑為建築廢料佔據大半條通道，途人難以通過。

食環署發言人證實，過去2年共接獲172宗有關深水埗區後巷衞生情況的投訴，該署同期共作出52宗檢控，而欽州街後巷屬區內衞生黑點。發言人指，派員巡查上述地點時發現有雜物阻礙該署清掃工作，遂貼上通知書飭令物主移走物品。但發言人稱，沒有發現後巷污水渠有淤塞或積水，亦未發現有鼠患迹象，強調會每日清掃上址，亦會每星期清洗後巷1至2次。

當區區議員劉佩玉表示，因應全城清潔運動，曾提出多個衞生黑點予食環署跟進，惟看見後巷衞生未有明顯改善，「都見到食環署係全軍出動去清掃後巷，清洗完嗰一陣係乾淨嘅，但係過一陣又變番污糟！」劉認為潔淨情況只如曇花一現，主要因為市民對全城清潔運動欠缺參與，「現時全城清潔只屬單向性質，只係政府部門去清掃，但係行動結束係咪又變番垃圾城？」劉促當局加強執法及宣傳，並建議就清潔行動制定完善的罰則及獎勵計劃，增加市民投入及參與的程度，解決後巷衞生問題。