電氣道街市一樓舖常關　疑濫作貨倉

「成層得幾檔開門做生意，其他長期落閘，走廊通道又放晒雜物，搞到亂七八糟！覺得似貨倉多過街市！」炮台山居民吳小姐指電氣道街市地下售賣肉類、雜貨等，頗爲熱鬧，然而以售賣生果、蔬菜爲主的1樓則非常冷清，開門營業的攤檔寥寥可數，其餘舖位則疑被用作擺貨，走廊通道亦堆滿貨物、手推車及竹籮等雜物，令街市儼如貨倉一樣，「呢度又逼又少嘢賣，如果繼續落去，仲點會有人想嚟買餸！」

吳認爲，倘商戶濫用舖位存貨，會對其他有意於街市經營商舖的檔販造成不公，「啲檔畀人用晒嚟擺貨，一來啲街坊冇嘢買，二來嘥咗個舖位，收返嚟重新招租好過啦。」吳認爲涉事街市「立立亂」，希望食環署加強巡查，並向違規的檔戶發出警告，為居民提供良好購物環境。

記者曾多次到上址實地視察，發現1樓全層僅有約10間店開門營業，大部分攤檔拉下鐵閘，店外或周圍通道均堆滿雜物。視察期間，有商戶拉起鐵閘，記者卻見店內放置數十個尼龍袋，懷疑有人租用舖位作存貨。

被問及是否知悉部分攤檔未有開門營業一事，食環署發言人未有正面回應，但強調涉事街市1樓的63個攤檔之中有62個已出租。而接獲轉介後，該署派員巡查後採取執法行動，行動中就檔戶阻塞通道、未經准許而對攤檔作更改及未有按租約條款的要求營業共提出6宗檢控和發出9個警告。根據記錄，過去1年，該署曾就檔戶阻塞通道及未有按租約條款的要求營業共提出7宗檢控和發出5個警告。

當區區議員許清安指涉事街市「問題多多」，反映食環署監管過於寬鬆，對居民造成不便及危險，促請加強管理，「呢度舖少，通道又多雜物，啲街坊有時寧願去遠啲嘅街市買餸，食環署對違規商戶應該嚴厲啲規管，搞好個街市，方便啲街坊！」許又認爲，食環署應考慮終止嚴重違規檔戶的租約，給有意經營店舖的人士營商機會，令街市回復生氣。