回望佔領：美國隊長VS大波MAN戰事未完

一年前的佔領行動，旺角變成戰場。不少原本寂寂無名的普通市民，在這戰場一夜成名。支持佔領的美國隊長(容偉業)及反對佔領的阿Man(石有房)，是兩陣營的代表人物之一，他們走在自己「戰線」的最前方。一年後，回望佔領，這兩個立場南轅北轍的「對手」，竟然找到了他們的共通點。

「真係一生人未試過，被過千人講粗口問候我娘親。」一年前，反對佔領的阿Man，試過帶隊拆路障，又試過危坐企跳，控訴佔領者影響生計，「出位」行為，令阿Man「爆紅」起來。佔領後，阿Man換了工作，但是始終走不出佔領的影響，反佔領者見到他會鼓勵，佔領者見到他會謾罵。

回望這一年，阿Man批評特區政府遲遲仍未追究發動佔領的人士，「有啲可以判得好輕，有啲可以判得好重，有啲可以拉，有啲可以唔拉，咁衍生好多問題出來，咁究竟邊啲人會被檢控，好似去年佔中三子，他們發動佔中都講明願意受法律制裁。」

作為阿Man「對手」，美國隊長最令人印象深刻是其手上的「盾」，他表示帶「盾」上陣，是要應付胡椒噴霧。一年前，為了爭取普選，美國隊長幾乎晚晚落旺角，雖然今時今日旺角大部份時間風平浪靜，他仍然時不時到旺角「巡邏」，「鬥長命！同政府鬥長命！日日出來抗爭，就是同佢磨，只怪特區政府唔畀我哋普選。」

在佔領期間，美國隊長弄到一身傷痕，被警棍打過，更多次出入警署，「如果你話佔旺都唔博到盡，咁好難再有其他途徑鬥到民主返嚟。」

美國隊長口中的博盡，於反佔領的阿Man眼中，只是因為不知足，「我嘅生活，我覺得可以，只是唔可以選特首，一人一票。佔領人士太自我，自我中心太強，不顧別人感受。」但阿Man也批特區政府：「好像我以前做警察，犯了法，要拉；去法庭，判罰去坐監係理所當然，但而家變咗，好多事情我覺得好模糊。」

隨着政改落幕，今時今日的旺角大致回復平靜，但對阿Man和美國隊長來說，「戰事」並未完結，即使換個時空，換個地點，去到光復上水行動，他們兩個都不斷「對戰」。經歷過佔領行動，這兩個立場南轅北轍的「對手」，同樣堅信「走在最前」，是有效的抗爭方法。