網民熱話：搭廉航要求苛　失禮港女大鬧機艙

廉航是不少旅遊達人出行的首選，皆因機票便宜，可大幅節省旅費。不過正所謂「一分錢一分貨」，選搭廉航者除希望航班準時，對服務一般不會太苛求，但1名女網民疑似「睇唔透」，大罵航空公司無體恤其行李超重，又拒收銀聯卡，見她咳嗽連連亦未提供口罩，同機港人更是「自私精」，揚言要向機管局、日本觀光局及旅遊局投訴……結果？當然是被網友圍剿聲討啦。

有女網民近日在各大討論區發文，聲稱以1.9萬日圓(折合約1,228港元)購入1張由日本大阪返港的Peach(樂桃航空)機票，結果卻換來一段「恐怖飛行機(經)歷」。女網民稱因瘋狂掃貨，結果令寄艙行李超重5公斤，無奈要「玩搬行李遊戲」，最後「攰到唔想執」，想付超重罰款了事。但她一早花光所有日圓，而「VISA LOOK(碌)爆」，只能以銀聯卡付款，但航空公司卻指不接受銀聯付款，直斥航空公司「無為過個客諗過」。

女網民又謂「嗰陣好辛苦好勁渴又咳」，卻被保安員催促入閘，卻發現飛機根本未開始登機，自己還有時間到免稅店掃貨，大罵「點解唔可以比(畀)個病人飲埋支(枝)水先關閘」。剛上機時機艙無冷氣，令她要急買兩枝果汁和雪糕解渴，直言不明白為何付款買機票卻像「乞你SERVE(伺候)我」，及後向空少索取口罩未果，當下崩潰「又喊又叫」，同機人更嘲笑或鄙視她，令她以後「唔想再坐PEACH，唔想同呢班自私精香港人同機」，又謂不知如何搬運手提的10公斤及寄艙的20公斤行李回家。

最後女網民想出「絕橋」，要求「Call白車」入急症室，航空公司卻無職員陪同她入院，只能她1個人搭的士回家。事後航空公司亦無主動聯絡她如何取回剩下的20公斤寄艙行李，令她憤而向機管局投訴，並謂「錢都補償唔到我心靈創傷」，又斥航空公司無高層出面道歉，故才在網上公開事件。

這番活靈活現自述，自然「觸動」不少網民。有人指原本以為所謂恐怖是指飛行安全有問題，殊不知最恐怖的卻是「港女」，直斥她在機上大吵大鬧，航空公司理應「叫特警上黎(嚟)帶走佢冷靜下」，更謂此女「脾氣差無修養」，明知自己「拎唔到」30公斤行李便不應「買咁多」，「失禮死香港人」，要代她向日本人「講聲對唔住」。網民更指，廉航公司一向逐項服務收費，上機前亦已在條款中列明，「真係唔好以為比(畀)個(嗰)少少錢就要比最好既(嘅)你囉」，直斥她「無腦不應搭廉航」。

網民有話說

Meow Meow Yeung：咳仲可以食兩個雪糕再賴人無masks(口罩)！掂！

Gary Nam：港女就唔講了。Peach做去(法)好正常，超重要補錢，唔好話廉航，你坐邊間會話超重唔收費㗎？

Mini So：好心佢咁有錢就咪搭廉航喇……

Heidi Cheukkahei：失禮死香港人，亦笑死香港人

Ming Yeung Lawrence Choi：呢D(啲)咪同強國人一樣自我中心強烈，人人要為佢而轉！

※緊貼網民熱話，掌握最熱話題，請關注網民熱話fb：

http://on.fb.me/1L3m1ro