網民熱話：單車男切線急停 網民質疑屈錢
20150930
東網電視
更多新聞短片
有網民於YouTube分享一段行車紀錄短片，片中單車男子在轉彎時爬頭急停，最後與後方的私家車相撞。（網民Man Kwan短片截圖）
不時有單車友與司機在馬路上爭執，今次就有單車友被指有意撞車，再向司機屈錢。有網民於YouTube分享一段行車紀錄短片，片中一名駕駛單車的男子在轉彎時爬頭急停，與後方的私家車相撞。短片繼而引起網民熱議，並懷疑單車男是屈錢黨。
發貼者指短片在前日（28日）拍攝，當時私家車車主正由元朗教育路轉入馬田路。片中可見，私家車車主轉彎時，一輛單車突然由左邊切線並急停，兩車發生輕微相撞。單車男即時下車，並對私家車車主念念有詞，及後再走向司機位，相信是與其理論。
發貼者事後描述，單車男下車攔路後向私家車車主要求賠錢，但車主堅持報警處理，警方及後到場落案。發貼者並指警方已經搜集證據，「以備私家車車主索賠」。
網民看見後，大都指摘單車男故亂切線，不顧安全，又稱單車男無被私家車撞傷，已經要「劏雞還神」，現在竟然還要求賠錢。也有網民指單車男無戴頭盔，已經相當危險。不過，亦有人指短片有畫無聲，質疑車主在轉彎前已經不停響號，才令單車男發火，以及爬頭攔路。
網民有話說
Simpson Ma：你真係唔好彩，遇到個傻！
Derek Seto：點解唔開聲？莫非有內情？
Dennis Cheng：睇佢落車落得咁型仔, 有冇叫你停車熄匙身分證?
孫亞力：似有精神病！踩淑女車學人屈錢？
※緊貼網民熱話，掌握最熱話題，請關注網民熱話fb：