網民熱話：大戰爆粗夫婦　四眼Sir妙語完勝

醒目四眼Sir冷串爆粗夫婦！一對夫婦因違例泊車遭一名戴黑框眼鏡的警員「抄牌」，惟夫婦二人在警員抄牌期間，竟當着一對年幼子女面前，不斷以粗口辱罵四眼Sir。四眼Sir不但未有被激怒，反而輕描淡寫爆出連番妙語，例如遭夫婦大罵︰「特首都有犯法啦！X頭！」四眼Sir即回應︰「特首已經接受緊法律程序啦！」令人發出會心微笑。

「有人」在社交網站facebook發布一段短片，一對夫婦不滿被四眼Sir抄牌，不斷以粗口辱罵對方，「爆粗妻」說︰「你搏表現都唔使咁呀！」四眼Sir即說︰「告票唔係咩表現嚟架！」「爆粗夫」不甘妻子受辱，即說︰「做多兩年啦你！」四眼Sir即說︰「我唔止做多兩年呀，仲有廿幾年做呀！」「爆粗夫」聞言更加激動，即以粗口說︰「X你老母啦！」四眼Sir亦不甘示弱，笑說︰「大家咁話。」

「爆粗夫」其後又咒罵四眼Sir，說︰「睇你老母遲早生仔啦！」惟四眼Sir即回敬說︰「我老母生咗個仔啦！嗰個就係我。」

其實發布短片者正是該對爆粗口夫婦，欲透過網絡公審四眼Sir，以洩心頭之恨。不過，爆粗夫婦最終反成網絡公審主角，網民幾乎一面倒怒插他們，批評二人在子女面前爆粗是做壞榜樣，「做人父母都唔以身作則，小朋友有樣學樣，唔怪得香港人啲質素越來越差。」另有網民指出事發地點是馬鞍山一個交通交匯處，經常有人非法泊車，阻礙專線小巴及的士出入，支持警員嚴以執法。

網民有話說

Mmb Cheng︰呢兩公婆無x得頂，講嘢笑x死人咩！

Jay Liu Chun Fai︰何謂身教？聽個小朋友嘅反應就知啦‥‥‥其身不正就唔(好)學人有小朋友！！！

BTW︰阿sir，EQ一流，好一句「大家咁話」回隻癲狗！！！

Hingtim Chester Tiu︰犯咗法畀人抄牌仲放上網！香港多啲「新進」老散就好啦！呢個阿sir，有d前途！呢單嘢我撐阿sir！