妙語Sir：警民之間最緊要互相尊重！

「四眼妙語sir」阿恆紅爆網絡，東網記者今午巡遍馬鞍山尋阿恆，終在馬鞍山海濱長廊發現行咇的疑似阿恆，因他無戴眼鏡不是「四眼sir」，記者憑警員編號上前查問，阿恆坦承是當時那名警察，只不過除了眼鏡。對於在銀湖天峰交通執法時「精妙對話」，以軟着陸化解惡人惡語，八十後的阿恆仍然好淡定，「都好明白市民心情，冇人鍾意畀人罰錢，所以呢啲情況過往都遇過，警民之間最緊要互相尊重！」

不過，高EQ除了天生外，還要後期訓練，「響學堂有學過警政心理學，建立咗正向思維，日常訓練都涉及一些正向訓練，增強返面對逆境嘅能力同心理韌性！」阿恆加入警隊6年，曾駐守機動部隊，兩年半前駐守馬鞍山分區巡邏小隊。他稱：「我都知道我今次嘅表現，有啲市民、長官同同事欣賞我，希望可以將正面嘅警察形象帶出嚟。」

他稱，知道事件被人放上網好多人瀏覽。但他希望事件能讓市民更多了解警察的工作，「畀市民知道警察做嘢有既定程序，會克制嘅，都係有警例去遵守。」他指耐心去解釋好多時會成功，令市民知道執行警務工作的背後原因。

阿恒說：「細細個覺得做差人好威嚴，慢慢年紀大咗，出咗社會做嘢，發現警察由以往軍事化形式，轉換咗服務市民的形式，向市民提供一啲服務，依家除咗撲滅罪行，仲會向市民提供救助服務。