馬鞍山站行人天橋天花滴水　乍現水桶陣　

「淨係放啲水桶喺度，又唔睇吓啲水桶係咪真係載得到啲水，搞到成地都係水，萬一有人跣親點算？」黃小姐日前於雨天途經港鐵馬鞍山站，看見A1出口往馬鞍山廣場的行人天橋竟出現「水桶陣」，不少雨水從天花滴下，質疑該車站較其他如東鐵線車站「年資淺」，卻出現滲水情況，「之前堅尼地城啲新站開嗰陣都係咁，明明有瓦遮頭，但一落雨，站入面就滴水，啲職員真係要巡吓係咩問題搞到咁。」

記者日前到場視察，發現A1及A2出口均出現「水桶陣」，當中以A1出口情況較為嚴重，通道中間及牆邊均置有水桶，盛載假天花滴下的雨水，而地上雖置有毛巾及「小心地滑」告示牌，惟地面仍然濕滑，毛巾早已濕透，旁邊扶手亦被雨水滴濕。

港鐵發言人表示，有關天橋頂部已裝有集水器和喉管，以便引導及排走雨水，但有車站職員留意到大雨時有雨水未能及時排走，有可能從夾縫位沿牆邊喉管滲入，車站會安排清潔員工加強清理地面，並放置水桶和「小心地滑」告示牌提醒乘客，而車站亦正安排承辦商進行改善工程。

香港專業教育學院（屯門）建造工程系系主任黃漢平指，倘雨水未能及時排走，有機會為天橋頂部的集水器容量不足或塞渠所致，「如果係渠塞咗就清番，如果係走水位太淺，未去到排水口就湧出嚟，都可以造深啲，同埋都可以整多幾個排水位，呢啲工程都唔會太繁複，一般一至兩星期就得。」

「港鐵加得市民價，收得我哋錢，又成日話自己係上市公司，更加應該畀市民睇吓一間上市公司嘅效率！」立法會議員麥美娟批評「水桶陣」不但有礙觀瞻，亦有機會對途人造成危險，促港鐵應盡早檢查及維修，根治問題，而非僅以水桶應付，而工程完成前亦應加派人手清潔，「無論大雨定細雨都好，有蓋嘅地方就應該遮到雨，點都唔應該有呢啲情況，港鐵應該趁唔係雨季盡快搞番好佢。」