銅鑼灣私家路被封 地政總署無晒符

20151028
東網電視
更多新聞短片
業主圍封登龍街約50米長私家路後,有市民指令馬路變為單線行車而導致車流受阻。
「原本條路係雙線行車,但係依家封咗一半,仲要隔籬就係地盤,好多重型車出出入入,頂住後面啲車。」周先生早前駛經銅鑼灣登龍街,發現約50米行車路被鐵馬及圍欄封起,令馬路變為單線行車,加上毗連工地正在施工,車流因此受阻,「呢度有個小巴總站,好多人喺度等車,啲車返晒嚟載客就會有塞。」
另一市民李先生則指,涉事路段之前一直對外開放,直至金朝陽中心二期於去年落成不久後即被圍封,對鬧市道路竟被「私有化」充滿疑問,「以前啲車都係喺度出入,點解佢哋有權封咗條路?點解鬧市入面嘅馬路,竟然係私有財產,而唔係市民嘅?」
記者翻查資料發現,政府於2007年表明倘要作出補償則不會收回私家街道,灣仔區共11條私家街道從收回計劃中剔除以避免申索,登龍街亦位列其中。
地政總署發言人證實,於2014年4月至今共接獲28宗相關投訴或查詢,惟涉事路段屬私人地段,地契條款並無對公眾通行權作出限制或要求,政府現階段亦未有任何公共工程或道路計劃收回有關業權。發言人承認未能提供灣仔區內私家路總數,僅指日後擬訂新批土地契約時,會諮詢運輸署、路政署、消防處、屋宇署等部門,並將意見反映在地契條款內。
金朝陽集團有限公司發言人表示擁有涉事路段業權,並已在兩端豎立「私家路」的交通標誌。發言人解釋,由於過往經常有車輛未經授權停泊及被鄰近食肆佔用,為確保道路暢通、安全、環境衞生及提供緊急車輛通道,故採取相關措施。
「政府係唔會幫私家路洗街、維修路面,地政有咩可能唔知有幾多條?係咪要等到封咗先知?」當區區議員鍾嘉敏對地政署欠缺基本統計資料感到匪夷所思,又指區內不少私家路業權由分散漸變為統一,將來或有更多街道被圍封,影響救援及交通。鍾表示需尊重私有產權,建議部門與業主多加溝通,以鼓勵開放道路,「如果一早政府主動去傾,幫手處理違泊同餐廳擺枱嘅問題,話唔定業主唔會封咗佢。」
鍾嘉敏已報名參加區議會灣仔(鵝頸)選舉,同區另一名候選人為何詠嘉。