齊昕摑母　麥潔文稱打情罵俏　阿倫唔識講

特首女兒梁齊昕萬聖節怒摑及腳踢母親唐青儀，引起全城嘩然。藝人麥潔文(Kitman)與女兒陳薔天(天天)今日出席遠足活動，被問及對齊昕舉動之看法，Kitman與愛女天天一臉驚訝，不過Kitman說：「好閒事，打情罵俏啫，我哋成日都係咁啦。」在旁的天天則稱：「唔好咁樣講啦，我就梗係唔會做呢啲嘢(摑母親)，我反而擔心佢哋會唔開心。」Kitman續說：「唔會，家常便飯啫，冇所謂啦，唔好睇到咁大件事。」

樂壇校長譚詠麟(阿倫)早上到山頂廣場出席「心連心慈善步行2015」主持開步禮儀式，他表示有看網上新聞，覺得齊昕是節日出去玩吓，對於「掌摑母親」，阿倫稱：「唔識講。」問到阿倫可試過類似情況去「接仔」？阿倫笑言：「多謝關心，咁都畀你串到落去！(佢好自律？)多謝關心……哈哈！」

歌手可嵐表示，作為母親若聽到子女話唔係親生都會感到心痛，自己都會監視自己教小朋友的方法，而且每個年代的小朋友都有不同特性，有時都需要放下身段，當中溝通最重要。提到齊昕家庭身分特殊，可嵐直言：「身分特殊所以雙方都有壓力，自己都係藝人，我個小朋友嘅生活都會有多啲人留意。不過做媽咪都會難受，要按捺住，係做媽咪嘅挑戰。」

藝人何浩文就透露，大約兩個月前，在蘭桂坊工作後見過梁齊昕一次：「佢好似醉咗少少，講嘢好大聲，對面街都聽到。」惟何卻不敢評論疑似掌摑事件，更覺得事件好詭異，因齊昕化了一個鬼妝，他說：「可能佢鬼上身，冇人會冇啦啦摑阿媽，要搵個道士搞搞佢，畀道符佢！」

兩名女兒母親的藝人林嘉欣，被問會否擔心自己囡囡踏入反叛期？她表示小朋友都有負面情緒，要教導他們如何處理，自己則會教囡囡用畫畫方式去宣洩，她說：「好似扭眼瞓咁，冇得拗，我就會喺佢身邊，由得佢發洩，因為冇得控制，發洩完一陣就瞓咗，瞓醒又一條好漢！」

導演麥曦茵被問到會否以齊昕摑母事件作新戲題材時表示，「我覺得佢(齊昕)有一定程度反映某個階層嘅年青人」，並指很多時候非單是年青人的責任，而要看上一代如何對待及與年青人溝通。麥又指見到齊昕有興趣入行，但會「請佢睇戲先，合作就後話」，並指齊昕身份特殊、經歷獨特，需承受很多壓力，寄語齊昕若真想入行，無論面對多少批判或「唔好的聲音」，都應堅持及尋找自身方向。