梁齊昕蘭桂坊慶祝萬聖節 怒摑母親唐青儀
特首女兒梁齊昕趁住萬聖節一早已經喺facebook預告自己會以「白面鬼裝」look去中環夜蒲應節,凌晨時段見梁齊昕與一大班朋友到蘭桂坊慶祝萬聖節,期間梁齊昕好介意朋友上鏡,不斷伸手遮擋朋友嘅樣貌,約2時半左右,梁齊昕與朋友一同離開步行往搭的士途中因為人多出現混亂場面,梁齊昕更同一名外籍人士爭執,最後一班人入咗一間夜場避風頭。

不久梁齊昕母親唐青儀獨自搭的士現身,接女兒梁齊昕上的士離開時母女二人發生糾纏,混亂間梁齊昕摑咗母親唐青儀兩巴及踢咗母親一腳,之後梁齊昕與一男子上的士離開直駛回禮賓府,而唐青儀則由夜場的工作人員陪同下入內休息,途中問唐青儀是否被女兒梁齊昕打咗兩巴,唐青儀回答:「無呀!」便進入夜場,最後工作人員安排下由秘道離開。