清潔工捱一世難敵貴租　不願累仔女寧瞓麥記

老人家理應是受到社會保障、尊重的一群。偏偏於香港這個國際都會，有長者要拾紙皮，有長者無飯開。已露宿街頭一周的66歲清潔女工郭女士，一手湊大4名子女，半生貢獻社會，老來卻要以快餐店為家。但她無怨無悔，繼續冀以自己雙手養活自己。縱然露宿街頭，作為母親，她不願向子女透露半句，只願各人安好，「一個唔開心，好過五個唔開心！」說時老淚縱橫。

「我原本有工作，去年開始無做，拿了強積金(三萬元)出來用。我住開嘅地方租貴，住咗幾個月已經用得七七八八，那就不租了。後來撞到個朋友，佢話去麥當勞啦不如，咁我咪同佢於麥當勞坐。」眼前的郭女士，說起自己成為露宿者的經過，語氣沒有半點傷感，恍如所說的不過是一件小事。

但當說到過往如何受到老闆剝削，原本平靜的郭女士，不禁有點怒氣。「我做開嘅工，老闆只有一個肯供強積金，其他都說我年紀大，話我唔係長工，只係散工，那他就節省下不用幫我們供強積金，連勞工假期都沒有！開工利是只有5元，你話老闆『幾闊佬』！」

知道自己的年紀會成為工作障礙，郭女士找工作時亦心知不能要求太多，無奈的是連基本的尊重都得不到。「有次我在上環找工作，佢要我填要求幾多人工，我都唔要求多，6500元一個月，即250元一日。佢自己識講，咁我咪唔夠最低工資畀你？咁但佢出糧時，真係唔出咁多，畀220元一日我！」

連番遭到壓榨，所賺的根本不足以應付生活。育有4名子女的郭女士，沒有選擇向子女求助。「我盡可能唔會話麻煩他們，如果做到工，我自己搵到錢，自己照顧自己。因為他們有自己屋企要照顧，他們環境都不太好，我都知道。一個唔開心，好過5個唔開心。」語畢，郭女士雙眼通紅。

社區組織協會幹事吳衛東表示，社會上不少僱主對老年工作者有年齡歧視，即使會聘請他們，往往亦會壓低工資或用不同藉口免去自己替工人供強積金的責任。