「我哋玩親遙控車10次有5次都會畀人趕，咪問康文署到底邊啲場地玩得，點知去到嗰啲場都一樣畀人趕！」羅先生平日會與一眾模型車愛好者到康文署轄下的康樂場地玩電動遙控車，但不時遭到職員驅趕，向康文署查問下獲覆除11個指定地點外，其餘均可使用。不過，羅指偶爾到非指定地點時仍會碰壁，「好似尖沙咀海濱長廊咁，嗰度唔係指定地點，但啲管理員都會阻止，要我畀康文署個電郵佢睇話嗰度冇禁玩遙控車，先畀我哋玩。」

羅先生早前更發現石鼓壟道遊樂場外張貼有「請勿進行任何遙控模型活動」告示，惟有關遊樂場亦非遙控模型車「禁地」，質疑該署內部溝通不足，導致場地無故被禁，「點解有啲唔係指定嘅11個場，都貼住唔畀玩？我覺得佢哋內部溝通唔夠，又可能有啲遊樂場冇跟上頭指示，純粹自己覺得唔玩得，搞到好混亂！」

康樂及文化事務署發言人表示，除目前規定11個場地內的指定地點不適合進行遙控模型車活動，一般不會禁止市民於其他康樂場地使用電動的小型模型車，惟不得對其他場地使用者構成滋擾、影響場地運作或使場地設施受到損壞。石鼓壟遊樂場在上述前提下是可以使用電動小型模型車，發言人強調，會不時檢討場地使用情況，並檢視禁止進行遙控模型車活動的地點，平衡各場地使用者需要。至於就上址為何會出現告示禁止進行遙控模型活動，發言人則未有回應。

不過，羅先生指已接獲康文署的回覆信件，並承認為免對市民造誤會，已移除張貼在上址的告示。

「你明明話11個場唔玩得，但又走咗第12個出嚟，市民去到又浪費時間，條氣梗係唔順啦！」立法會民政事務委員會委員何俊賢狠批康文署上下溝通不足、標準不一，令市民無所適從，同時剝削市民享用設施的權利。何更直斥康文署錯貼告示卻「有錯唔認」，有行政失當之嫌，要求當局檢討現時公眾場地能否平衡各方面的需要，讓有不同嗜好的市民皆可享用設施。