租置「危樓」：私樓屢創癲價　焗買爛單位

單位天花滲水，外牆有裂痕，為何杜小姐仍購買?「近年，私樓樓價升幅驚人，我肯定買唔起，況且我租住咗公屋十幾年，一直覺得買好過租，買咗單位，可以留畀個仔，供完就唔使供!」杜小姐在今年3月，有感私人樓宇不斷創癲價，便以約30萬元，購入該個約兩百平方呎的租置單位，即使單位結構仍有問題未解決，也無奈接受。

「買嗰陣，根本冇諗過要搵人維修單位咁難!以前係租戶，可以搵房屋署，依家係業主，向法團求助亦未獲受理，同房屋署職員講，職員只係叫我搵管理處。」她擔心自資維修單位的費用，可能要花費數以萬元。

樓宇檢驗技術專家賴達明指出，維修該單位的天花滲水及外牆裂痕，工程要逾20萬元，包括天花滲水需要重建天台滲水層，要起地磚、鏟走及重鋪防水層，而修補外牆裂縫前，也要搭棚。