政Whats噏：樹根抗海嘯　邊度跌邊度起身

今次區議會選舉其中一個現象，是一批來自不同黨派的資深議員都落敗，包括盤踞東區漁灣逾廿年的民建聯立法會議員鍾樹根(樹根)都老貓燒鬚，被區選提名期最後一日才報名參選的「傘兵」徐子見擊敗。有資深建制派事後孔明，形容今次區議會選舉出現「海嘯」，頂不住就會受到摧毀。言猶在耳，樹根今次抗「海嘯」失敗無怨天怨地，今日表明「會喺邊度跌低，就會喺邊度企返起身」。由疑似被連根拔起到強勢回歸，未知樹根今次有多大把握？

受到去年佔領行動影響及感染，今次區議會選舉有約50名「傘兵」出選，加上今次歷史性新高的47%投票率，不少打滾地區多時嘅「雙料議員」，包括來自民建聯的樹根及葛珮帆，民協的馮檢基及民主黨的何俊仁，4人齊齊遭到滑鐵盧，於區選落敗失去民選區議員資格，後兩者更鐵定喪失參與明年立法會選舉，俗稱「超級區議會」的區議會第二功能界別議席入場券。

不過，以上4名落敗的「雙料議員」中，以樹根被擊敗引起網民最大迴響，因為他過去不時自創成語引起網民熱烈討論，今次突然意外落敗，即時獲網民「贈興」，有網民號召市民到樹根位於東區漁灣的辦事處開香檳慶祝落選，政圈分析更指樹根可能此後面對更多挑戰，包括會被黨內人士「逼宮」要求明年立法會選舉退位讓賢，分分鐘變為「雙失」。

樹根黨友、立法會議員葉國謙今早接受電台訪問時，形容今次區議會選舉是一場「海嘯」，「頂唔住就會受到摧毀」，又希望兩名黨友檢討落敗原因。曾於2003年區選落敗的葉國謙其後以過來人身份指，樹根下屆應該再於同區參選，暗批樹根不要以為市民經常於傳媒見到自己就「飄飄然」，強調幫助地區解決問題，才會得到選民支持。

見慣風浪的樹根疑好快收拾心情，進而開列期票表明「會喺邊度跌低，就喺邊度企返起身」，似乎暗示4年後會於東區漁灣捲土重來，收復失地。正所謂「口講無憑」，樹根要重新贏取當區選民的心，看來要坐言起行，配以持之以恒的實際行動至得！

※更多政經猛料、秘聞，請關注政Whats噏fb：

https://goo.gl/ndFQNz