運署城巴強推改道方案　夜歸天水圍居民叫苦

於港島工作的楊先生，每晚需乘城巴通宵巴士N969返回天水圍，惟11月底發現車站張貼通告，指巴士將繞道屯門及洪水橋才返回天水圍，批評新路線迂迴，「港島返天水圍已經遠，依家仲要兜埋屯門先返到天水圍，多成十幾個站，搭完車都天光啦，仲邊有得瞓！」

「好多街坊呢幾日見到站頭通告先知架車會改路線，成程車要行多半個鐘，運輸署擅改路線根本唔尊重居民需要。」天水圍民生關注平台代表王百羽指出，不少居民皆反對相關改動。王批評城巴及運輸署漠視居民需要，要求撤回有關改動，令夜班工作的天水圍居民能及早回家休息。

城巴發言人表示，因應藍地及洪水橋居民對深宵巴士服務有需求，因此將N969往天水圍方向的班次改經屯門公路並於屯門市中心、藍地及洪水橋沿途加設分站，又指行車時間只增加約8至10分鐘，並於今年12月8日起實施。

運輸署發言人則指，N969線載客率持續偏低，為善用資源及加強通宵巴士服務，巴士公司建議調整相關行車路線，並在2013年底於元朗區議會中詳細討論。巴士公司及該署聽取及研究不同持份者意見後，決定保留天水圍區內所有的原有巴士站，以盡量減少對天水圍居民的影響。

不過記者向多個受影響地區的區議員查詢，均指自2013年後，未有就計劃接獲運輸署的查詢及通知，僅於12月1日才經區議會秘書處通知計劃會於同月8日推行。

「原方案已經有爭議性，依家呢個新方案更加差，運輸署襯區議會休會期推行計劃，係唔尊重區議會！」元朗區議會交通及運輸委員會主席陸頌雄指，運輸署及城巴於2年前向區議會提交改道建議，方案雖然惠及屯門及洪水橋一帶居民，但對天水圍居民卻造成不便，由於議案極具爭議，故要求部門修訂，「我仲遲過啲居民知道改咗路線，原方案中嘅分段收費又取消咗，有咁嘅改動應該要交返嚟諮詢，而唔係知會就算！」陸要求當局盡快修訂計劃，並重新提交區議會諮詢。