「以前可以直去，就算唔係快，都唔會踩幾下油就停一停車。依家就成日都大塞車，尤其係朝早嗰陣，可以塞到去油站（麥連街口）嗰頭！」北角居民黃小姐指，運輸署日前在渣華道1號附近增設行人過路處，令貫穿北角的電氣道及渣華道的交通情況惡化，「覺得好無奈，都唔知有咩渠道去反對運輸署個決定。」

黃小姐又指，過去行人路被欄杆圍封，亂過馬路者只佔少數，增設過路處後反而令不少市民「膽博膽、衝紅燈」，新設的行人過路處頓成陷阱，「啲司機唔會預啲燈位咁密，個彎位又係盲點，見唔到有冇人過，收唔切油就出事！」

記者曾數次實地視察，發現中午時分涉事路段甚為擠塞，乘巴士由電氣道市政大廈前往書局街時，亦需減速而行，不足1公里路程共花費約7分鐘，傍晚時分則目睹大量途人疑因不欲等候，在新設的行人過路處「衝紅燈」，當中不乏長者及兒童，險象環生。

運輸署發言人解釋，曾接獲市民要求加設行人過路處的意見，經觀察後發現該處有不少行人亂過馬路，加上接近彎位，容易阻擋司機及行人視線，且區內長者較多，遂同意增設交通燈控行人過路處，於2011年底進行諮詢時獲大部分地區人士支持，工程於去年12月開始，於今年底啟用。

發言人承認，渣華道早上及傍晚交通比較繁忙，故將協調位於電氣道/電廠街、渣華道近永光閣（即涉事地點）和渣華道/北角道3組交通燈訊號，以便車輛連續通過，亦會在涉事路段增設上落貨限制區，故預計不會嚴重影響渣華道交通流量。

「冇拎去區議會討論，根本唔足以代表成區嘅意見！」東區區議員許清安踢爆，運輸署諮詢草草了事，所謂「大部分地區人士」只是透過民政署進行諮詢，惟提交意見的人卻不足20人，批評運輸署在諮詢結果中大玩文字遊戲。許又直斥運輸署作為專業部門，規劃不能如此兒戲，「呢頭夜晚已經畀旅遊巴塞死，依家直情係雪上加霜。睇返運輸署紀錄，呢度3年嚟只係發生過1單輕微意外，完全睇唔到有咁嘅需要。」