的士滿布聖誕裝飾　的哥奇招冧客迎佳節

下星期五(25日)是聖誕佳節，有的士司機精心裝飾車廂，要令乘客開心過節。司機泉哥今年農曆新年就扮過財神，到年尾聖誕就在的士前座椅背同車頂貼滿雪花裝飾，又有趣致聖誕老人公仔，搵食之餘都要慶祝節日，未來仲想擺棵小聖誕樹上司機位。全部材料都由他自己出錢買，一共花費二百幾元，泉哥話都係想人開心：「自己鍾意，想整靚啲，等乘客開心啲。」

泉哥已經是連續第二年如此慶祝聖誕，氹到客仔鬼咁開心，乘客葉先生話搭開泉哥的士有一年，欣賞他敬業樂業，「有啲的士比較邋遢，佢(泉哥)架車就好乾淨企理，仲可以揀歌點唱。」泉哥平時兜開馬鞍山和西貢，讀者可以試吓遇唔遇到佢喇！