「家駒」合唱片勁洗版　黃之鋒fb貼文抽水

歌手黃家強的新聞近日由娛樂版轉往港聞版，風頭一時無兩，最近再獻新猷，早前推出的一個內地手機宣傳廣告，家強超越時空，與已故廿多年的兄長「家駒」深情擁抱，又播放家駒主唱的經典金曲「海闊天空」。

廣告近日在網上流傳，點擊率接近30萬，不過網友就狂轟家強出賣家駒，留言更以洗版式出現，連學民思潮召集人黃之鋒也不禁要「抽水」。今日凌晨時分，黃之鋒在facebook貼出相關廣告短片，更寫上「為左(咗)宣傳部不明來歷既(嘅)大陸手機，黃家強不惜同個扮自己呀(阿)哥既(嘅)『假人』攬頭攬頸唱海闊天空，咁樣消費已經過身既(嘅)家駒，真係好可怕。」黃又以「‪洗(使)唔洗(使)咁樣發死人財」作為hashtag(題標)，貼文在短短8小時內，已得到‬近5千個讚好及逾千個分享。

黃之鋒施展「靚抽」技巧，狂吸like，但亦有網民撐家強，指大家無資格評論家強，因他背負了「家駒細佬」重擔，難以單獨發展，網民更暗指某人「厚顏無恥」，口講會負責任，實際就反臉不認人，賴皮一走了之。不過，貼文中大部分網民都插爆家強「發死人財」，又斥廣告商找一個「淘寶家駒」來破壞香港人的回憶。