網民熱話：啟德坊街命名　網民串爆熱話新聞

繼廉政公署舉辦的標語創作比賽遭網民留言「寸爆」，政府部門似乎未有吸取教訓，政府新聞處在其社交網站facebook專頁內推廣土木工程拓展署舉辦的「名繫啟德坊行人專用街道命名比賽」，貼文一出即引來網民極具創意留言，包括近期爭議最大的銅鑼灣書店失蹤案、鉛水風波，紛紛都提名改為啟德街道。

新聞處以「機會嚟喇，啟德坊十條行人專用街道仲未有名，巴絲打畀啲idea(構思)過嚟啦！」為題吸引網民參與，點知就被「轟炸式」留言洗版，最多Like(讚好)為「銅鑼灣五子喺邊道」、「吳亮星北上大道」、「返大陸唔使用e道」，串連近期城中熱話立法會議員吳亮星，以李波等五人偷渡返內地嫖妓致失蹤的言論。更有人提議改名「白象路」、「第三條跑道」，笑言建成此街後機管局可節省達1400億元。

不過有心水清的網民就認為，有關街名太明顯，當局未必接受，建議取諧音，如「延歲坊」（鉛水慌），紀念毗鄰啟晴邨民飲用自來水延年益壽事件。言歸正傳，大家留言其實都無用，最緊要是要登入比賽網站 http://www.ktd-streetnaming.hk 參加比賽，公開組冠、亞和季軍分別可得1萬元、6000元及4000元獎金，而學生組冠、亞和季軍分別可得3000元、2000元同1000元獎金，截止報名日期為下月2日。

網民有話說

Jason Tsang：水貨客成鄰里、千億建跑道、鉛水入食道、等埋發叔道、港鐵延工是常里、大型樂器要行路、賣書唔識用E道、深諳嫖妓要偷道、失蹤要自里

Kelvin Chan：鉛水大道 (紀念鉛水邨落成)、白象路 (興建多項超支工程)、種票里 (政府縱容種票都唔查)、廢人當道 (多位廢人可以擔任公職)

Sean Chan：吳亮星北上大道

Leo Mak：交個名俾政府點都要政府肯接受先至Work(可行)：延歲坊(鉛水慌)：紀念毗鄰啟晴邨民飲用自來水延年益壽事件

※緊貼網民熱話，掌握最熱話題，請關注網民熱話fb：

http://on.fb.me/1L3m1ro