土瓜灣劏房近百磅石屎塌下　壓傷9歲女童

上午7時許，土瓜灣龍圖街28號一唐樓劏房單位，一塊約3呎乘4呎、估計重近一百磅的石屎，突然剝落，石屎先跌落在碌架床上格，再粉碎反彈到地上，一名準備換衫上學的姓黃9歲女童， 被石屎擊中頭部，頓時血流如注，父母見狀立即報警。女童在單位內接受救護員包紥後，再由父親陪同送院，警方正在現場調查。

現場唐樓樓齡55年，姓黃夫婦與兩名子女，一家4口同住4樓一個「一劏4」、面積約百多呎的劏房單位，黃太事後表示，單位內廁所牆身早前出現裂紋，要用膠紙貼穩，及至2日前，天花亦出現約8吋長裂痕，已即時通知業主跟進，豈料未及維修，今早石屎已整幅塌下。

而女兒睡在上床格，幸今日比平時早起床，才不致直接被整塊石屎壓中，否則後果不堪設想，「好彩阿女唔係瞓緊覺，唔係就死梗」。 據悉，女童入院敷治後已無礙出院，由母親陪同返家執拾後，舉家往親友處暫時休息，女童今日亦不會上學。