網民熱話：利是封玩走光　封幾多一眼睇晒

新年逗利是，拆利是一刻，經常會又驚又喜，該封利事究竟是金牛(500元紙幣)、紅衫魚(100元紙幣)抑或最低消費20元，除非係硬嘢(硬幣)，如果唔係，金額多少點都要拆開先知。有網民日前就收到一封很特色利是，利是封當中花紋被挑空，令內裏鈔票「走光」清晰可見，雖然神秘感盡失，但一眾網民卻覺得非常有趣。

網民To Li在facebook「小心駕駛(討論別人駕駛態度)」群組分享了相信是他人生至今所收過最特別的一封利是，利是封其設計非常精美，恭喜發財及劉姓字樣十分醒目，銅錢花紋亦非常搶眼，惟要數最吸晴非其剪紙設計，花紋間的空隙悉數被挑空，令內裏所藏一覽無遺莫屬。收到利是的樓主自稱咁大個仔，都是第一次收到一封未拆開都知係多少錢的利是。

不少網民紛紛讚好這封奇特利是，有人調侃此封利是實在是「國王的利是」，儼如國王新衣，一看就知利是底細。亦有人笑指此利是「透明度高」。更有網民戲稱，因利是是紅底(紅衫魚)，先至「怕咩露」咋。更有網民獻計，指應用該利是封去封十元鈔票，相信看到收利是者的表情時會更加開心。

網民有話說

Kevin Cheng：入十蚊睇收到個人既(嘅)表情仲開心

Lok Chow：紅底怕咩露

So Jay 好想要，好有喱士FEEL(感覺)

Nicole Melody：透明度高

※緊貼網民熱話，掌握最熱話題，請關注網民熱話fb：