旺角暴亂：前線警轟政府軟弱　不告政客黃絲

旺角本周二晚上發生六七暴動以來最嚴重暴亂，共造成90名警員受傷，其中6人仍然留醫，2人情況嚴重，不少前線警員均批評政府及警隊軟弱，包括戰術、裝備、人手均錯配。有前線警員質疑為何當晚未有使用催淚彈及橡膠子彈？要被迫與示威者近距離接觸，直接使用警棍；有警員指開槍警員可以一走了之，避免開槍影響前途，但市民又是否希望見到警察落荒而逃？有前線警員不滿警隊於佔領行動拘捕帶頭政客，但「敢拉唔敢告」，最終令激進派更加放肆。

有前線警員表示：「我有一個疑問，點解一口煙(催淚彈)都無燒，是否有低智長官下令不准燒煙？如果有嘅話，直接問點解？同事要近距離接觸，導致一係用棍追人扑頭或者跳升直接用殺人武器，西九機動部隊B連其中一個小隊41人中便有32人受傷。如果話政治考慮或影響民居，我會覺得可以將PTU(機動部隊)學到嘅防暴技巧，打包交番畀校長。」

另有休假前線警員阿文指：「旺角騷亂，我怪自己放假，無份出去平亂......亦苦無對最上管理層有效直接的溝通方法，希望講出我們部分前線警務人員的感受。首先，呢啲事件其實一早預計之中，佔中過後政府一直唔敢拉帶頭政客，敢拉又唔敢告，告到法庭又放，就算入罪都只係判甚麼服務令罷了，一直犯法都不用負責，激進派就更加放肆了。」

該名警員續稱：「你講得無錯，警隊根本唔係政治中立，只要高舉黃絲帶，就無人敢動了。開槍事件，我相信在場人員可以調頭一走了之，比起開槍後面對繁複的調查(更有可能影響仕途)更加容易，但作為一個正常市民，願意見到警察遇事落荒而逃嗎？我會覺得對不起自己，對不起警察制服，對不起家人，更加對不起一直支持警察，守法的市民。士可殺，不可辱！！！」

「面對暴徒，要我們以血肉之軀上前驅散，加上太多裝備，十分笨拙，令我們受傷人數眾多。其實我們還有好多武器可以用的，例如催淚彈，橡膠子彈，都適合用的，但無一個高級管理層敢下命令用，個個都怕負責，怕影響自己仕途，事後只係話世界各方面都稱讚警方克制，警隊聲譽上升，自我陶醉，沾沾自喜。警隊一直只叫前線人員頂住，唔叫進攻又唔肯退，最後同事被亂石擊中，守不住撤退時便潰不成軍了。各樣先進出色的裝備，原來只在警隊開放日表演時有用，真可笑。」