廣東歌不死　網絡歌手：仲有市場！

你有幾耐無行入唱片店，買一張廣東唱片？有人指廣東歌市場漸漸萎縮，本地歌手選擇北上「搲銀」，開拓13億人民的市場。早前更有國內歌手批評香港歌手到內地比賽時選唱廣東話老歌，直指「聽唔明」。到底今時今日，廣東歌在香港還有市場嗎？

譚嘉儀一直在網上平台翻唱其他歌手的歌，並多以廣東歌為主。「廣東話歌是一種文化，香港流行的K歌很有深度，每一首歌都存在一個故事。」嘉儀更說網民經常留言叫她唱廣東歌，她深信廣東歌在香港仍有一定的市場。

環顧現今樂壇，無論老、中、青的歌手都紛紛北上唱國語歌「搵食」，作為一個網絡歌手，她希望多寫廣東歌，在演出時選唱廣東歌，引起觀眾共鳴，「多點真係寫廣東話歌，同埋多點去唱，其實可能在電視上面，有時我們有機會唱下歌。我們都會盡量選擇唱廣東話歌，

同埋多人會有共鳴啲歌去唱。」

聽廣東歌、唱廣東歌，是香港幾代人的生活習慣，但會否變成一份「集體回憶」？就要看看業界努力，大家會否「出錢出力」買廣東碟、撐廣東歌，支持本土文化傳承。