觀塘廠廈劏房　成夾歌天堂

「我哋玩本土音樂，有不少辛酸!外界好難想像到，單喺觀塘一帶工廈，由於租金平，聚集近1500名本地音樂人，部分單位更劏成幾十間細房，畀音樂人夾歌，玩自己嘅音樂。」身兼本土樂隊Darkness Pool結他手及觀塘賽馬會跳躍青年工作坊社工的梁家智(阿Don)，一語道盡本土音樂人所面對的辛酸，「除場地問題外，我哋好多人都有正職，返咗9個鐘頭工，再去玩音樂，真係好辛苦。我哋默默耕耘，只係希望有1日，港人可以接納多元本土音樂。」

另1本土樂隊Unknown鼓手老鼠表示，「我夢想好簡單，只係想喺香港有少少知名度及影響力，有個平台可以將本土文化宣揚開去。我唔想到有1日，當啲人想去聽本土音樂嘅時候，都唔知去邊搵到!我都知道過程好艱辛，但一定會堅持落去！」