網民熱話：識英文有着數？1億六合彩變10億

千載難逢的「六合彩40週年金多寶」今晚9點半攪珠啦！近日賽馬會投注站大排長龍，塞滿想一夜成億萬富翁嘅市民，投注額已突破2.8億，睇嚟不少人想「博一博，神仙都變摩托」。一億彩金已全城瘋狂，如果實際頭獎係十億豈不是會全城癲狂？嗱嗱嗱，唔係吹水㗎，疑似馬會投注站的告示牌公布，今期金多寶的「Estimated First Division Prize Fund：$ 1 BILLION」，即是一注獨中的估計頭獎的基金可達10億。

網民Johnson Cheung在facebook上載一張疑似是張貼在投注站的馬會告示，中文寫明3月1日估計頭獎基金可達1億元，但英文卻寫了「1 BILLION」，即10億元，是1億的10倍，有網民質疑究竟是彩金加碼還是馬會出錯。

香港賽馬會回覆東網查詢時表示，留意到網上流傳該告示，今早已全面檢查全港102間場外投注處張貼的六合彩告示，確認所有告示上的中文和英文資料，都正確指出「六合彩40週年金多寶」攪珠的估計頭獎基金為1億元，由於相關相片已於社交媒體廣泛流傳，會繼續調查相片來源。

賽馬會其後再在下午表示，有關告示是在上環德輔道西場外投注處的告示板上的英文告示，事情起因是由於該投注處的一名職員犯了一個文書上的錯誤，今早發現錯誤後職員已即時作出更正；賽馬會為今次上環德輔道西投注處在溝通上出現的誤會以及所引起的不便致歉。馬會又指，如有市民認為曾經閱讀這張告示而希望查詢及取消六合彩彩票，可於今晚8時45分前致電馬會顧客服務熱線1817。

大批網民熱烈討論事件，有網民笑言：「識英文，中10億。」更指「我唔識中文點算？」質疑若有不懂中文的人投注並中頭獎，馬會是否將按英文版的告示派彩10億元，有人更言馬會一向對外宣稱各項告示以英文版為準，今次是否會按英文版的金額派彩，更稱「我唔中一定搵馬會退錢，因為失實陳述，我諗住會中10億先買。」

有人則揶揄「香港英文水準，得人驚！」、「嗱，我萬一中獎我淨係講英文」、「十億？我以為觀音借庫」，要求馬會盡快澄清事件。

網民有話說

Dickie Tsang：所以話識英文幾時都着數啲。

cour Tang：有冇攪錯？真係中咗係咪可以告佢？

王卓峰：學好英文，果然有好處，識中文，得1億，識英文，就1 Billion。

Cliff Cheang：我少留意英文，但是真心唔知現在的香港人英文退步到1億是one hundred million都可以錯！我信馬會會派1 billion出來。

Edmond Li：我唔中一定搵馬會退錢，因為失實陳述，我諗住會中十億先買。

※緊貼網民熱話，掌握最熱話題，請關注網民熱話fb：

http://on.fb.me/1L3m1ro