網民熱話:BB喊爆點算好?港媽絕招獲激讚

20160309
東網電視
更多新聞短片
面對兒子哭泣,有港媽不責罵,反而鼓勵兒子哭出來抒發情緒,做法獲激讚。(互聯網)
相信不少家長都對細路仔喊都感到「好頭痕」,太惡鬧唔收聲、氹佢或會喊得更大聲。近日網上熱傳一段港媽教仔片段,片中兒子扭計喊晒,港媽沒有大聲責罵,亦沒有哄氹,只鼓勵兒子哭出來,以抒發情緒,兒子果真快快收聲,並對媽媽說感覺「好啲」。有關做法獲網民激讚,指可讓小朋友明白哭為抒發情緒方法,並非吸引父母注意的途徑。
有網民於社交網站facebook群組「Tai Po 大埔」轉載一段「教仔片」,片中所見,一名年約兩三歲的幼童在廁所內嚎啕大哭,媽媽沒有安慰或責罵,但稱:「喊啦,喊啦,喊出嚟舒服啲啊」,並問兒子是否感覺好一點,舒服一點,兒子帶點哭音回答「好啲」、「舒服」,媽媽着兒子「喊完先啦」,兒子就收聲笑笑口答道「喊完啦」,並乖乖聽話刷牙。
此段「教仔片」於網上瘋傳,除因該幼童萌爆外,不少人更認為該媽媽教得好、講道理,吸引不少新手爸媽或夫婦參考做法,指「呢招好好用」。有湊仔公亦分享心得,指「我成日都叫個仔企埋一邊喊飽佢,只限明知佢扭計時…如果唔理咩事一喊就氹,只會變本加厲」。另有網民慨嘆「大人可以咁就好,大聲喊一陣就無事」
網民有話說
Patki Li:老公我們參考一下。
Kayi Ko:幼兒的情緒是短暫&容易改變的
WYan Keung:我會做個咁型既媽媽
Marco Law:小朋友有時你愈叫佢唔好喊,佢就喊得再勁啲!!反而你主動叫佢喊,佢又無癮 ....haha
Mo Moses:好天真無邪的小朋友
※緊貼網民熱話,掌握最熱話題,請關注網民熱話fb: