網民熱話：人肉霸車位阿姐 激動拍車蓋被鬧
20160309
東網電視
更多新聞短片
女子不但「人肉霸車位」，更一手拍在車蓋上。（網民Ying Kit Tse短片截圖）
街邊泊位一般都是先到先得，但部分人為求一位或許會「不擇手段」，做出霸位或打尖等行為。近日網上瘋傳一段車cam短片，有人「人肉霸車位」不止，更出手拍打車身，惹得車內人士相當火爆，亦引來網民鬧爆。
網民Ying Kit Tse昨日在facebook上分享該段車cam短片，片中可見他打算泊進一個吉位，但車位前方站立了一名女子。女子不斷揮手及手指指，示意車位已經「有車入緊嚟」，其後更一手拍到車身上。拍攝者隨即感到「火滾」，直指「咪玩啦妳」，又稱「人等妳等，個位妳買咗呀」，但對方只是一直聲稱「有車」。最後駕車者乾脆下車爆粗斥罵，甚至打算報警。
駕車人士不滿車位已經不足，人人都要等車位泊車食飯，批評對方車未到但要霸位。片段上傳後隨即被轉發到不同群組，引起瘋傳熱議，不少網民都紛紛力撐駕車人士。有人批評霸位行為，稱拍打車蓋已經「錯晒」。也有人指「泊車唔係拍車」，認為駕車人士「被拍車」會火爆是十分正常。不過亦有網民表示遇上同類情況會選擇駛走，免得對方覺得不爽而破壞私家車。
網民有話說
Carrie Yip：泊車呀唔係拍車呀大嬸！
Ka Chun Cheung：個個男人，都好愛自己部車，可以稱二奶，咁樣拍，樓主火爆係正常。
Yuen Yuen：其實好多時呢個情況，我都會選擇等第二個位，因為我好怕架車比人界花。
究竟我呢個心態正唔正常?
Dennis So：佢一拍部車 代表已經輸晒 片主可以有大把野玩
Nam Nam：新規矩，差包剪揼嬴左有得泊
※緊貼網民熱話，掌握最熱話題，請關注網民熱話fb：