網民熱話：地獄車場非虛傳！車主寧食牛肉乾
20160323
東網電視
更多新聞短片
有網民勇敢挑戰有地獄停車場之稱的德興街伊利停車場。(網民CBB1128)
香港地少人多，寸金尺土，搵位泊車向是車主最頭痕的問題，即使搵到個位，但遇着係嗰啲偏僻狹窄的多層式舊停車場，泊唔泊得掂又係問題！有網民就勇敢挑戰有地獄停車場之稱的油麻地德興街伊利停車場，更大嘆果然名不虛傳，不少網民留言話唔會再泊嗰個場，更有人笑指該個是電單車車場，而私家車要泊過先知有幾難泊！
網民CBB1128在討論區開貼，指自己第一次去該個傳聞已久的黑洞德興車場，亦附載圖片分享車路歷程：「首先一入個門口如果攞唔啱位已經會瀨嘢，每層轉上去的位都好窄，我泊4樓，感覺轉落嚟好似易過轉上去，覺得最難係1樓收費處之後轉落去出口，真係好窄，奇怪呢個車場邊個設計？」樓主更疑惑有無大車能成功上到去泊位。
從相片可見，車場環境偏昏暗，入口直路頗狹窄，樓主的車身兩邊空位所剩無幾，加上轉灣位上斜亦十分考技術，一個不小心隨時親吻牆角，留低簽名做紀念(汽車撞花牆壁的痕迹)。不少網民指泊過一次唔會再泊第二次，「見過鬼怕黑」，更有人誇張到話：「以後寧願擺街320(被抄牌)都唔會泊入去」，亦有人未戰先降。
另有網民分享自己泊該個場的經歷，有新牌仔指剛考到牌就泊該個車場，「攞車同泊車同樣要半粒鐘」，亦有人指可以成功無撞花全身而退，全因收費亭的阿姐教路，用特別方法出去。亦有網民為車場平反，指「其實冇講到咁黑暗，偷位一定夠，車前倒後。」更有網民思疑：「如果用呢個場做試場，闖關成功率有幾高呢？」嗯......應該係零。
網民有話說
IWBLF：泊過一次，見過鬼怕黑
露平：呢種場拍鬼片最好
SAS1970：見牆上簽晒名就知好多人瀨嘢
里無帽：死路一條的車場，有意外，救傷(車)一定入唔到
※緊貼網民熱話，掌握最熱話題，請關注網民熱話fb：