推跌阿婆搶手袋惹公憤　男子被落案控告搶劫

大隻男賊日前在葵涌一間酒家推跌九旬婆婆搶手袋，警方閃電拉人，姓陳（50歲）疑犯已被落案控告一項搶劫罪，案件將於明天在荃灣裁判法院提堂。

事發前日早上10時許，姓朱(89歲)婆婆到寓所對面的葵興商場一樓一間酒樓品茗，如廁後步經走廊時，被大隻佬賊人窺中年老體弱，尾隨伺機向婆婆搭訕，突然猛力將她推跌，婆婆撼傷頭，被賊人搶走內有500港元的斜孭袋。警方重案組經調查後迅速鎖定目標，在石籬邨拘捕涉案男子。

酒樓天眼拍下犯案過程，片段上載fb後，引起全城激憤，大批網民稱事件「人神共憤，真無恥」，怒斥劫匪是「人渣都不如，好明顯佢係一件超級太空垃圾」指他「冇志氣，阿婆會有幾多錢吖」。不少人認為賤賊搶劫婆婆已是不對，傷人更是「冇人性」，「搶還搶做咩推跌阿婆，跌一跌對老人家嚟（來）講好傷」，更呼籲助緝疑犯。