網民熱話：港鐵內開摺枱塞通道　自私婦捱轟

港鐵經常「一位難求」，繁忙時間乘客慘變人肉三文治，甚至連企位都無，惟當你發現有人竟在車廂內打開張枱阻塞通道，你會唔會睇到眼火爆、出聲制止呢？

網民Sheung Lam在facebook群組「香港突發事故報料區」分享一張照片，相中一名女子在港鐵車廂內公然將摺枱打開，坐於座位上的她，將雙手放在枱上，旁若無人，然而該張摺枱打開後佔據了通道一半，阻礙往來，不少乘客均感愕然。Sheung Lam留言稱「港鐵內柴灣站出發，個個人行過都撓(繞)道行，佢唔覺得係阻住人地條通道囉」。

多名網民均鬧爆該名女子自私，亦質疑為何無乘客出聲制止，認為許多乘客其實都很自私。有網民則揶揄稱「都仲未開枱打麻雀，包容吓啦」，亦有人認為「遲啲用港鐵搬屋無難度」。有網民「教路」，只要在枱上擺放燒肉、上香，「拜佢」，相信該人便不敢再開枱。

網民有話說

Liz Kong：自私的人

Marco Lo：無人出聲？搭地鐵真係好多自私人

Kenny Ng：都仲未開枱打麻雀，包容吓啦港豬

Kenneth Hui：認真，遲d(啲)用港鐵搬屋無難度。

Yan Yee：放啲燒肉，香上去，拜佢啦，佢就唔敢再開枱喇

※緊貼網民熱話，掌握最熱話題，請關注網民熱話fb：