用心經營30載　柴灣小食店不敵租魔結業

再有老店因為不敵「租魔」而要結業。何生何太這對老夫婦在柴灣環翠商場，經營小食店大約30年，但由於業主加租，兩夫婦無奈決定將一生心血結束，小食店會於今日(15日)結業，他們都顯得難捨難離，「街坊個個都好愛戴我哋，我都好多謝佢哋。」

臨別依依，不少街坊都專程到來幫襯，並寫下心意貼，表達對老夫婦不捨之情。老闆娘望住牆上貼得滿滿的心意貼，勾起了不少回憶，她指不少客人從小開始光顧，兩夫婦見到他們日漸成長，都覺得好安慰，「讀中學時嚟食，食咗16年，今朝臨出門口前拉篋嚟食，佢話19號先返到嚟香港，但我已經結業了。」

過去30年來，何生何太每日工作10多小時，早上5時已經開檔準備食材，到晚上7時才收工。老闆娘形容要做得長做得好，最重要用心經營，「因為周圍名牌，我呢度地方又細，同埋無冷氣無靚座位，將食物用心做，入靚貨將自己所學集中喺呢度。」

小食店最出名的食物包括咖喱撈麵和瑞士雞翼，兩年來都無加過價。在不少街坊心目中，這間小食店有家的感覺，有客人形容「充滿人情味，小學嗰陣一係同屋企人，一係同小學同學一齊嚟到，依家同佢哋仲有聯絡，充滿回憶。」他們又稱讚食物材料份量足，「佢落料方面好足，可能食碗碗仔翅，豬骨湯裏面啲料唔少，冬菇和肉絲都好足。」

由黑髮做到白髮，何生何太雖然退休，但會展開另一場學習之旅，他們表示會去學電腦增進知識，和去旅行增廣見聞。他們亦計劃將來在附近餐廳，寄賣自家製的芒果布甸和奶凍，希望為一班街坊繼續提供味覺享受。