搜查線：挑戰美食車　炸Oreo夠唔夠撼？

美食車先導計劃3月尾已開始接受申請，不少有意申請的小店高呼門檻高，大打退堂鼓。不過，一間炸魚薯條店卻決心一戰，以炸Oreo、炸魚薯條及屬秘密武器的全新菜式參加今次計劃。

早前好心業主謝林，以平租將舖位出租予深水埗明哥，北河點心茶餐廳得以繼續營運。不說不知，原來其女兒Fran與拍檔陳凌慧本身有意承接舖位，於九龍城開設的炸魚薯條店Chip In Fish & Chips在7月約滿後，原本轉戰深水埗。不過，為支持明哥，她們決定割愛將舖位讓給明哥。現時，Fran暫未有一下步打算，不過陳凌慧決定申請美食車先導計劃，將炸魚薯條發揚光大。

既然要找尋覓另一個舖位，陳凌慧決定做「白老鼠」，申請美食車先導計劃！希望得到評審委員歡心。「開新舖都要超過60萬，美食車都係差唔多。炸魚薯條係小食，於旅遊景點賣反應應該會好好， 一家大細等車嘅時候填下個肚，都幾有信心。」 陳將於美食車推銷3款食品，包括炸魚薯條、炸Oreo以及中國傳統小食混合英國菜的新菜式，不過暫時未能透露詳情。

她更計劃與香港善導會合作，讓更生人士及婦女有機會發展所長。 「諗住畀佢哋落手落腳營運，我負責管理，暫時未諗到合作方式，可以係分紅方或者共同分享賺咗同蝕咗嘅錢。」

不少人認為美食車先導計劃為大財團的玩意，陳仍然下定決心申請，與大財團一較高下，她解釋，「靠我一個人的力量一定做唔嚟，好彩參加商會認識咗好多年輕企業家，佢都幫咗我好多。」

可以出一分力協助社會上有需要人士，亦是陳的推動力之一。陳於英國畢業後回港，曾於康智會任職課程發展主任，為輕度至中度智障人士設計課程。當初毅然創業，開炸魚薯條店，因能夠直接協助智障人士，現時於九龍城炸魚薯條店亦有聘請智障人士。「其實智障人士無咩出路，需要社會俾機會佢哋，整炸魚薯條，係重複性好高嘅工作，好適合佢哋。」開炸魚薯條店，希望令智障人士多一條出路，陳坦言，「一開始屋企人覺得我發緊夢」。不過，家人仍然十分支持。