網民熱話：內地父子爬出閘　被轟大教壞細

高過95厘米的小朋友搭港鐵就要買車票入閘，請問有冇人唔知？近日有網民在港鐵站內目擊有內地旅客以「自己方式」出閘，一對父子竟前後腳爬出來，會合閘外的母親，懷疑他們「free ride(免費搭車)」，該父親則解釋指自己有買車票，但不懂得出閘，母親則表示於遼寧身高1.3米以下的小朋友毋須買車票，他們首次來港，故不知情。但目擊者就質疑解釋是否合情合理，「總之『唔知道』就可以甩身？」

網民Edwin Cheung把「捐閘」過程拍下並上載至社交網站，片中所見，操普通話的內地母親攜同行李篋，狀似剛剛出閘，父親與兒子隨後「施施然」從閘機內爬出來。張先生表示，他出閘前已「話鬼佢喇」，「點知到我轉個彎，竟然仲要試。」他其後向警察舉報事件，並一同前往車站辦公室，但他約15分鐘後離開，未知事件如何解決。

片段於網上流傳，不少網民認為有關行為太過份，有人直斥「個人操守同教育水平低、定係人無恥便無敵」，有網民則批評該對內地夫婦「大教壞細！」有心思慎密的網民指出，情況或是該母親拖篋過閘時，「唔小心轉動咗老公嘟嗰次閘，咁個老公就戇XX過唔到」，張先生就稱，不知道他到場前的情況，戲言疑點歸於「被告」，但質疑沒理由父親跟兒子都巧合地一樣情況。

網民有話說

Mei Yee：不知所謂…成日講到幫香港經濟幾多，而家連幾蚊既(嘅)車錢都唔比(畀)，垃圾

Echo Hong：太過份

Crystal Tseung：蝗蟲

Wyatt Fok：大陸入閘方法係咁嫁(㗎)

※緊貼網民熱話，掌握最熱話題，請關注網民熱話fb：

http://on.fb.me/1L3m1ro