搜查線：女兒怪病入院　元朗友買蠔餅撐肥姐

「我係一個粗人，唔識講嘢，淨係識講多謝，好多謝一班有心人！」在元朗經營炸蠔餅小店的肥姐，30歲的女兒近日感染重病，昏迷入院，甚至可能成為植物人，小店亦休業多日。幸好女兒在日前蘇醒，肥媽亦回小店復工，得悉事件的熟客在facebook專頁「盡在元朗」發布消息，呼籲元朗人光顧小店，支持肥姐。東網記者前往肥姐的小店，發現不少食客排隊光顧，肥姐則非常感謝網友的支持。

「希望食過嘅人繼續幫襯，未食過嘅人快d去試下，幫補下小小醫藥費都好！」日前有人在facebook專頁「盡在元朗」貼文指，以蠔餅聞名元朗的肥姐，早前休業多日後復工，但以往滿面的笑容變為愁容，原來她女兒患病，細菌入侵神經線，並昏迷多日，於是呼籲網民光顧肥姐。貼文得到強烈回響，有約7000個讚好及2000個分享，不少網民指要前往光顧，並祝肥姐女兒早日康復！

肥姐經營的小店，位於元朗教育路與鐘聲徑交界的小巷，記者下午來到舖前，發現有不少人正在排隊，等候新鮮即炸的蠔餅，肥姐亦不時大叫：「大家靠邊排，唔好阻到隔離舖。」記者訪問正在排隊的周小姐，她指：「元朗人都識呢間舖，一向好出名，我冇留意到個post，但有朋友嚟元朗探我，所以帶佢嚟食。」

記者向肥姐提及有網民呼籲光顧的事情，她微笑表示剛於早上知道，十分感謝網民的支持，而女兒於日前蘇醒，但暫時只有上半身能活動，下半身仍未有知覺，要待一星期後的報告出來，才知道詳細的身體情況。肥姐表示：「佢今日精神咗，仲可以用手機上網，都係佢話畀我聽，我先知道網上有呢個呼籲，希望大家幫襯埋我買早餐，冇開咁多日舖，要幫補番啲租金。」

談及女兒的病情，肥姐十分茫然，指女兒病發前未有離港，一直在家中，卻突然病發。她表示：「佢初時係肌肉痛，我仲以為佢係幫我搬蠔餅啲粉時整傷，睇咗兩次醫生，磁力共振都照咗，都唔知咩事，但身體就愈來愈差，出入廁所都要人扶，之後就好似中風咁冇咗知覺。」後來，透過骨髓化驗才發現是細菌入侵神經線，後果可大可小。肥姐苦笑表示：「聽人講12萬人只有一宗細菌入侵神經線嘅個案，馬又唔見佢中，希望佢大步檻過！」