政Whats噏：愛蒲圖書館　鄺俊宇任諮詢委員

政府今日委任新一屆圖書館諮詢委員會成員，新成員除了有港鐵公司事務總監蘇家碧、觀塘區議會副主席洪錦鉉等，仲包括來自泛民的元朗區議員兼愛情小說家鄺俊宇(Roy)。本身有多本著作的阿Roy話，唔會以權謀私，要求圖書館特別買入自己寫的小說，事關自己文筆差喎，阿Roy咁講真係太謙虛喇。

阿Roy估計，自己本身的作家身份，以及他曾多次向政府反映對圖書館的意見，是他獲委任的原因。他指，作為圖書館的恒常用家，自己一向十分關注圖書館的各種問題，包括管理阿姐太惡等，未來會繼續以用家身份，會向委員會反映參觀外地圖書館的經驗，令圖書館成為一個更吸引市民的地方。

※更多政經猛料、秘聞，請關注政Whats噏fb：