香港人進軍英國足球壇？相信不少球迷都希望能親身到愛隊主場觀看比賽，如果能以任何方式參與比賽，更是夢寐以求的事。本港樂隊Fantastic Day結他手智偉，早前主動聯絡支持多年的英格蘭球隊樸茨茅夫，提議使用樂隊歌曲「For Tomorrow」，作為球隊比賽前的入場歌曲，獲對方答應，將於下季聯賽主場比賽前播放，他坦言是夢想成真，亦是對本港音樂的肯定。

「無諗過真係會成功，球會覆返話可以嗰陣，真係開心到癲咗！」智偉說起成功「登陸」英格蘭時，仍難掩興奮之情，或許對於球隊多年的「死硬」球迷而言，事情來得太突然。說起他與樸茨茅夫的故事，源於05至06年球季，他首次入場觀看球賽，「我屋企人住喺隊波主場附近，有次我去探佢哋，順便入場睇波。」

那年樸茨茅夫仍在英超打拼，該場比賽更以2比1戰勝新特蘭，「雖然個球場唔算好大，但成個球場有萬幾二萬人，同時支持緊隊波，真係好震撼，亦都令我從此愛上咗隊波。」球隊該年成功在英超護級，往後數年戰績更穩步上揚，不但在聯賽排名中游，更於07至08球季勝出英格蘭足總盃，翌季能進軍歐洲賽。

惟其後球隊因出現財政困難，從英超逐步降至英乙(英格蘭第4級聯賽)，惟智偉依舊對球隊不離不棄，堅持每季都找親友於當地代購球衣，並觀看球隊每場球賽，「初時降班到英冠，都仲可以上網搵到波睇，之後降到落英乙，網都無播，就直接上官網睇文字直播，就算幾夜都會專登起身睇。」

今季球隊財政狀況轉佳，成績亦有所改善，於英乙排第6，能進行升班附加賽，「喺附加賽前，我想做啲嘢支持球隊，於是膽粗粗send咗個email過去畀球會，建議用我哋首歌做opening。」雖然球會回覆稱附加賽的進場音樂已決定，惟答應下季聯賽比賽時，會使用樂隊歌曲「For Tomorrow」，「依家考慮緊會唔會親身飛過去睇比賽，如果喺自己最愛嘅球場，聽到播自己樂隊嘅歌，簡直就係夢想成真。」

樂隊其他成員雖然並非樸茨茅夫球迷，但亦對球隊能進軍海外感高興。其中樂隊主音兼For Tomorrow的作曲者阿Dee稱，歌曲主題是每日都有新開始，感覺勵志，頗適合用作球隊的打氣歌。樂隊另外3名隊員，包括鼓手Winston、負責base的Halo及另一名結他手Shermen均認為，這次令能更多外國人認識香港的音樂，亦有如替樂隊打了強心針，令他們日後有信心，製作更多更好的音樂。