搜查線：南生圍橫水渡換新造型　人情味依舊

港人閒遊勝地之一的元朗南生圍，其來往山貝河兩岸的橫水渡服務，是由元朗市中心前往大草地、婚紗橋、蘆葦田、廢棄石屋的水上交通工具，近日橫水渡更髹上紅綠黃三色，令人耳目一新，遊人隔岸已被鮮艷顏色吸引，船尾亦掛上了救生圈。橫水渡歷史悠久，為遊人加添新意的同時，不變的是依舊濃厚的人情味。

元朗市區與南生圍隔着一條山貝河，陸路前往的話要兜一個大圈，步程45分鐘，否則可以乘搭橫水渡。山貝河寬度不超過50米，坐上橫水渡後，船伕以人力撐船，先兜一個圈，再向前力撐，不足1分鐘已到達彼岸，每程收費6港元，大小同價，如攜帶單車上船需另加1港元。

東網記者日前到山貝河碼頭，即使當日不時有雨，仍不乏遊人專桯到場乘坐橫水渡，部分更帶同寵物及單車上船。忙於撐船的船家指要保持低調，不想透露太多，但他對每個乘客都是關懷備至，不時對上落船的乘客再三叮囑，「上咗船唔好郁啦，一郁就側埋一邊」、「（由碼頭上船時）一踏就踏落嚟，好似平時行路咁」，「抽起（單車）個頭，喺船頭行上嚟」等等。

至於橫水渡髹上新油，經營橫水渡的東主譚伯接受電話訪問時透露，該隻木船已使用約5年，需要維修，故近日塗上防水油，「隻船開始殘舊，唔維修就會入水，所以要油防水漆，依家啲防水漆靚過以前好多，有好多顏色。」譚伯稱，若另一隻假日才出動的木船有損耗時，同樣會塗上有顏色的防水漆，若到最後無法維修時，才會買新的木船代替，「5年前買隻木船要2、3萬蚊，依家唔得啦，啲木材好難搵，仲要返大陸做，加埋啲運費、出入口證件啲費用，一定好貴啦。」

首次到南生圍的梁氏夫婦表示，是專程由西環到南生圍乘搭橫水渡，「見到facebook成日有朋友Post相，好多人嚟到都要搭（橫水渡），所以咪過嚟行下，反正都係6蚊一個人。」兩人更即場於橫水渡前留影。

已是第二次到來的嚴小姐則認為，橫水渡由來已久，極富人情味，「船伕好好人，有啲人會日日都坐，成班熟絡晒，其實好有特色。」嚴小姐又指，留意到船隻有新顏色，「架船colourful咗，上次嚟仲係收緊5蚊，但就算加到依家6蚊，我都仍然會坐！」