搜查線：小店生招牌　化身鐵閘噴畫記載回憶

土瓜灣重建項目一浪接一浪，區內老店隨時結業。有團體早於重建公佈前，展開鐵閘噴畫計劃，為土瓜灣特色小店的鐵閘，噴上獨一無二的畫作，有為該區送上最後一份禮物。財記百貨及家樂超市，鐵閘噴畫計劃中的兩間小店。於土瓜灣經營多個年頭，即將要離開滿載美好回憶的地方，兩間商舖的負責人大感不捨，不過政府已決定重建，亦只能默默接受。

去年，本地塗鴉藝術團隊Smile Maker與「土家」故事館合作，於土瓜灣展開鐵閘噴畫計劃。位於鴻福街、由年過80的周氏夫婦打理的財記百貨為計劃的其中一間，鐵閘上畫有財記百貨的招牌產品「三鳳海棠粉」。「三鳳海棠粉仲有得賣，因為同以前啲廠家有聯絡，有啲人移民咗去美國都返嚟買。」周太一說起三鳳海棠粉，就眉飛色舞，因為線臉用三鳳海棠粉已幾乎絕迹。

財記百貨於土瓜灣渡過逾50個寒暑，周太最不捨的是從前生活的一點一滴。「4個仔女都喺土瓜灣長大，依家周圍都係車行，以前依條街戲院、舞廳都有，唔同嘅街邊檔，依家唔同咗好多啦。」財記百貨一開業，生意並不是太理想，周氏夫婦一直咬緊牙關。到70年代，財記百貨最光輝的日子終於來臨。「附近有好多山寨廠，好多人幫襯，嗰時主要賣工廠用品。」不過，今時今日廠家已經搬離土瓜灣，財記百貨現時主打街坊生意。即將重建，周氏夫婦最不捨的是於土瓜灣多年的艱辛又甜蜜的回憶。他們已年過80，一早已到退休之齡，今次重建可算是光榮退休。

距離財記百貨幾個舖位的家樂超市，鐵閘上畫了老闆楊氏夫婦於超市所養的貓，描繪了家樂超市的「靈魂人物」。雖然叫超市，但家樂超市的舖位其實不算大。不過，麻雀雖小，五臟俱全。

「鹽、醬油同雞蛋就最賣得，啲客都係土瓜灣嘅街坊，做生意一定要守，街坊一個一個守返嚟。」楊生指，區內連鎖超級市場眾多，生意難做，要突圍而出，就要「攞個心出嚟」。「要有笑容有禮貌，咁就大家都開心，營業時間長啲，開朝早11點到凌晨1點，多啲街坊可以嚟買嘢。」

今次重建，楊生固然不捨街坊情，不過收購後的生計亦是楊氏夫婦的一大隱憂。「收購之後真係無打算，基本上係無得反對，但出面舖租又太貴啦。」現時，楊氏夫婦惟有見步行步。市區要重建，老店的生存空間自然愈來愈少。