網民熱話：師奶look惹夫不滿 網民減肥互勉
20160721
東網電視
更多新聞短片
一名人妻指丈夫不滿其打扮師奶，希望她穿着有如模特兒般。(資料圖片)
女為悅己者容，即使結婚後，不少太太仍落力打扮，但不少主婦為了節省開支，甘願「慳自己」買平貨，加上生育後身材走樣，難作性感打扮，因而換來丈夫冷嘲熱諷。一名太太在討論區訴苦，指日前趁店舖大減價購買數件「特價Tee」，丈夫不滿意，形容：「啲衫都係師奶款，着到成個師奶咁」，令太太十分傷心，引起網民熱烈討論，批評該丈夫說話刻薄，「唔通老婆又嫌你無碧咸咁型咩？」有人鼓勵該太太減肥扮靚自強，靚畀所有人睇。
該太太自言，她知道丈夫喜歡她穿着具女人味的衣服，但「老老實實自己咩料自己知，佢唔明白我點解唔買佢鍾意嘅衫着！」直指丈夫看過模特兒穿衣的效果，覺得好靚好fantasy，但她「腰粗腩大厚背肥臀甲組腳加五短身形」，反問如何可穿上十八廿二年輕少女的吊帶緊身喱士淑女裙！
大批網民見狀，鼓勵該太太先減肥，再作合乎年齡的打扮，一樣可明艷照人，認為女人得閒打扮，自己也開心。有人則指該丈夫應自我檢討，「你老公自己有冇走樣？有冇打扮先？佢唔可以咁樣話人！」「普通一件T-shirt，着喺少女同中女身上都有分別，唔好期望自己老婆好似model咁。」
網民有話說
Flowerpig：叫老公一齊去㨂衫，條件係要陪你試5個鐘頭衫同全部佢埋單。
甄太太：男人好難服侍，到你keep到自己樣靚身材正，佢又會嫌你太養眼。
Wakamama：老公都係想個老婆著(着)得靚靚，出發點係冇錯。肥左(咗)咪肥左一樣可以扮靚，最多咪減肥。
stitch2012：以其人之道啦，下次你老公著(着)得young時，你就話:「著(着)到咁，想溝0靚妹呀？」 若然著(着)得熟，你就話:「著(着)到咁老，攪到我好似拖住個老豆出街！」
小詠：減肥、扮靚。靚比(畀)所有人睇，其實最重要係對自己重拾信心，靚比(畀)自己睇，唔係只為老公一人。
※緊貼網民熱話，掌握最熱話題，請關注網民熱話fb：