每日一片：尿急女不滿九巴慢駛　爆粗2分鐘

由鑽石山鐵路站開出前往清水灣的91號九巴，疑因車程慢了10分鐘，一名在車上的女乘客因難忍尿急，與九巴車長理論，巴士到達總站後，雙方發生口角，女乘客怒氣沖天，向車長鬧足1分50秒，字字夾雜粗口，最少爆粗20次，相反車長一直息事寧人，一句粗口也沒說，贏得網民讚揚EQ高。

片段一開始，拍片的女乘客影着一名車長的背影，「朝朝都10個字（車程），係你12個字，你話XXX我嘛，你話叫我唔好坐你架車，唔係玩Ｘ殘我嘛，好多人聽到，而家用手機影住你個X樣，影X埋你架車。」車長向其他正在巴士站候車的乘客查詢：「有無人聽到？」一眾候車的乘客都異口同聲說：「無，無聽到。」但女乘客反認為是車長與其他乘客同流合污，「啲老人家呢就唔好講大話，講大話不得好死呀。」有候車老人家則回應：「你又後生過我哋咩？」片段到此作結。

網民睇片後都指該名女乘客氣勢逼人，「都唔知咩人嚟，條片都冇證明個師兄講過佢所出現嘅字眼，人哋叫佢投訴又唔敢，作得就作，放長雙眼食花生睇結果，相信師兄冇事！」「直頭九唔搭八，廢話都聽唔入耳，全條片得妳一個自嘆自唱。」亦有網民指女乘客想像力豐富，「有妄想迫害症！把聲好煩！」

而多名網友則讚揚涉事的九巴車長EQ高，「撐司機，拍片者你講粗口司機受驚有權通知電台唔開車，你影嘅根本就唔係事發過程，事發後先録冇用的，加上條片有乘客做證，算把啦。」