商場消費換禮品卡捉精靈　儲夠彈藥日夜取勝

Pokémon GO熱潮熱爆全港，男女老少個個都化身成訓練員，遊走各區捉精靈。不過，近日天時暑熱又時有大雨，如果唔想日曬雨淋，輕鬆收服各種精靈，其實一樣有辦法，有商場由即日起至本月31日，每日都會喺指定時間內，於商場內使用小精靈誘餌Lure Module，吸引各種稀有小精靈現身。另外，於商場消費滿指定金額，更可獲贈iTunes或Google Play卡，等各位訓練員購買道具，再去捉更多稀有小精靈。

為咗令各位訓練員可以涼住冷氣，舒舒服服咁收服到更多精靈，銅鑼灣wtc more 世貿中心由即日起至31日期間，每日中午12點至下晝2點，及傍晚6點至8點期間，都會免費喺場內PokéStop「撒櫻花」，引齊各種精靈，等大家慢慢捉。如果商場內有罕見精靈出現，商場Facebook專頁仲會即時發放消息，保證唔會錯過。

記者就到現場實測，半個鐘內果然發現好多精靈，包括尼多后、皮皮、毒氣丸、傻鴨等等。更有訓練員在場找到亞洲限定的火蔥鴨和稀有嘅卡比獸，身為訓練員一分子嘅你真係不容錯過。

想再增強裝備，捉啲再罕見啲嘅精靈？只要喺活動期間，於商場內指定商舖消費滿港幣$1,000，即可免費換領價值港幣$150的iTunes或Google Play卡一張，每日名額5個，先到先得，咁就唔怕小精靈會走得出你嘅掌心啦！

黃生黃太就同女兒喺商場成功捉到車厘龜同傻鴨，囡囡話最想捉到比卡超，而黃太亦指在商場可享free WiFi，邊行商場邊捉精靈，商場更有「捉精靈，換禮券」禮遇，之後繼續在商場消費。

而另一位黃先生亦話，商場撒櫻花佢會留耐啲去捉精靈，換取優惠後會用嚟擴充背包和購買精靈球，增強裝備。

另外，商場亦都會提供消費享3小時「坐轎車捉精靈」，及「捉精靈換禮券」優惠，詳情可參閱商場Facebook專頁。新鴻基旗下另外4個商場，包括東港城、上水廣場、Mikiki及將軍澳中心，亦會同時舉行活動，喺商場內定時使用Lure Module，及提供相同優惠，大家去開嗰區記得入商場捉精靈啦！