失竊50珍藏模型　戶主：南亞賊走寶無偷古玩

大角咀詩歌舞街64D號龍鳳大樓一單位發生爆竊案，失竊大批模型珍藏，惟一批價值不菲的古玩未有失去，事主估計是竊賊為南亞人，但因唔識貨而「走寶」。

上址屬公務員樓，今早7時許，姓文（55歲）戶主返回單位時，發現鐵閘及木門被撬爛，屋內有搜掠痕迹，於是報案求助。警員到場調查，初步相信賊人先鋸開鐵閘一條鐵枝，伸手打開鐵閘，再撬開木門入屋。文經初步點算，證實失去50盒模型，約值25萬港元，另有其他財物損失，包括一輛單車、兩支氣槍、一台電腦及一台43吋電視機等，約值15000港元。

文指出，該單位由父親於多年前買入，但雙親均已離世，他和胞兄亦已搬出，故單位空置，他遂將其用作貨倉，擺放心愛模型珍藏，包括解放軍八一軍校模型、美國英雄漫畫鐵甲奇俠（Iron Man）及二戰軍事模型等，總數逾50個。文表示：「每個時代嘅模型都有，太過濫嘅就冇買喇，唔係太普遍我先會買！」他現時會每周前來打掃一次。

對於模型被偷，文事後心痛大嘆：「儲咗成20年啦，個個月出糧買。」由於部份已經絕版，在二手市場有價有市，估計賊人會將模型變賣圖利，他指「識貨咪會賣去歐美或者日本，唔識貨就會賣去鴨寮街囉！」

不過，原來屋內還有多件珍貴的古玩及寶物，包括鼻煙壺、刺繡及樟木櫳等，但卻完好無缺，文由此推斷竊賊為南亞人，因近期附近多南亞人出沒，他們屢涉罪案，但因不諳中華文化，才會「唔識貨」遺漏珍寶。竊賊又曾在雪櫃取出一罐啤酒喝光，文謔稱：「好彩屋入面冇煤氣，唔係佢喺度煮埋飯。」