每日一片：疑?完鬆　痴情女限男友明現身

網上近日流傳一條尋人短片，一名女子疑被男友「?完鬆」並「玩失蹤」，遍尋不獲後，拍片聲稱要男友盡快「蒲頭」，若然短片出街後3日仍未有消息，會將男友的樣貌公諸於世，女子更揚言：「你潛咗上太空我都搵返你出嚟。」

有關短片昨日於網上瘋傳，片中一名穿上白色背心、身材惹火兼樣子出眾的少女，面對鏡頭自拍，她眉頭緊皺一臉哀愁，以平靜語氣發出尋人啟示：「你係咪真係咁賤格嘅呢，追我嗰陣就講到明有幾愛我，又話無咗我唔得，一同我搞埋一齊就即刻玩潛水，我話緊你呀，你知㗎，你唔好再柄埋啦，我都唔怕比人知。」

她之後再指，就算男友身在太空，亦要找他出來：「你潛咗上太空，我都搵返你出嚟㗎。」並給予男友3日時間內現身，「好，我比3日限期你，3日之內你最好搵返我。」然後她拿起一部手機，手機畫面是一張她與相信是其男友的合照，而男友的樣子被她的手指遮蓋，「如果唔係，我就將你個樣公布比全世界人知，記住，你得3日咋，3日。」片段到此作結，而短片於昨日放到網上，3日限期即最快明日到期。

網友睇片後，相信是該名少女與男友發生性關係後懷孕，之後失蹤，故要找男友出來。亦有網友稱，可能是宣傳短片，「擺明出片博收視。你可以收番宣傳費。」並要求少女展示更多證據，「公開個樣有乜用？公開的舐ｘ片先驚架嘛！記住得3日，唔好打格，剪的精華呀！太多冷場無人睇架。」無論如何，大部分網友都期待3日限期快到，以得知事件最後結局。