買賣股票嘈餐死　夫婦打大交拉晒

屯門屯安里1號疊茵庭2座一個單位，下午5時許，一對60餘歲夫婦，疑因買賣股票問題發生爭執。消息指，婦人瞞住丈夫「入貨」，丈夫大感不滿，喝令「好放晒佢喇！」2人吵至面紅耳赤，期間有人盛怒揚言：「信唔信我用刀斬死你吖嗱！」繼而用雙手扠住對方的頸，有人亦不甘示弱，狂抓還拖。

混亂間夫婦同告受傷，其中婦人報警嗌救命，警員接報到場，將2人送院治理。警方經初步調查後，以涉嫌襲擊將2人拘捕，丈夫同時涉嫌刑事恐嚇。據悉，兩夫婦早前曾因股票買賣問題爭執，驚動警方到場調停。